‘प्रेम’ हा विषय प्रत्येकाच्या जवळचा आणि आवडता असतो; ज्या प्रमाणे मोठ्या पडद्यावर ‘प्रेम’ ह्या विषयाला घेऊन त्याचे वेगवेगळे पैलू असलेले अनेक सिनेमे प्रेक्षकांना पाहायला मिळताय; तसच काहीस चित्र रंगभूमीवर दिसताये; येत्या काळात विविध रूपांतील प्रेमाचे पैलु मराठी नाट्य प्रेमींना पाहायला मिळणार आहे . आनंद म्हसवेकर लिखित – दिग्दर्शित ‘प्रेम रंगी रंगुनी’ हे नवीन मराठी नाटक रंगभूमीवर येणार आहे. संगीत आणि नाट्याचा सुरेल संगम असलेले हे नाटक येत्या २ मे पासून प्रेक्षेकांच्या भेटीस येणार आहे.

श्रीमती संध्या रोठे ह्याची निर्मिती असलेले ह्या नाटकाचे लेखन आनंद म्हसवेकर ह्यांनी केले असून; सुभाष मालेगावकर ह्यांनी संगीत संयोजन केले आहे. अभिनेता अमोल बावडेकर आणि अभिनेत्री दीप्ती भागवत ह्यांच्या ह्यात मुख्य भूमिका आहेत.