गेले तीन दिवस पाचगणीत सुरू असलेल्या या मराठी सेलिब्रिटींच्या बॉक्स क्रिकेट लीगचा अंतिम सामना रविवारी पार पडला.  ह्या सामन्यात ‘रत्नागिरी टायगर्स‘ या संघाने बाजी मारत ‘शिलेदार ठाणे’ संघाचा पराभव केला. ‘रत्नागिरी टायगर्स‘ संघाने प्रथम फलंदाजी करत ४५ धावा काढल्या. त्याचा पाठलाग करताना ‘शिलेदार ठाणे’ संघाचा डाव ३५धावांत आटोपला.

पारितोषिक समारंभाला श्री. नितेश राणे व अभिनेता सचिन पिळगावकर यांची उपस्थिती लाभली. त्याआधी झालेल्या अंतिम सामन्यात ‘रत्नागिरी टायगर्स‘ या संघाने बाजी मारत ‘शिलेदार ठाणे’ संघाचा पराभव केला. सिध्दार्थ जाधव यांना ‘मॅन ऑफ द मॅच’ पुरस्काराने गौरवण्यात आले. ‘मॅन ऑफ द सीरिज’ पुरस्कार नुपूर दुधवडकर यांना देण्यात आला. या लीगमध्ये सहभागी झालेल्या महिला खेळाडूंचा देखील सत्कार ही यावेळी करण्यात आला.

लवकरच या रंगतदार सामन्यांचे प्रक्षेपण वाहिनीवर पहायला मिळणार आहे. ‘मराठी ‘बॉक्स क्रिकेट लीग’ चे आगामी तिसरं पर्व कोल्हापूर मध्ये रंगणार असल्याची घोषणा ही याप्रसंगी करण्यात आली.