येत्या 25 मे ला संपुर्ण जगभरात प्रदर्शित होणाऱ्या ‘बकेट लिस्ट‘ या चित्रपटातील ‘होऊन जाऊ द्या!‘ या गाण्याच्या तुफानी हवेनंतर माधुरी दीक्षितच्या वाढदिवसा निमित्य चित्रपटातील रोमँटिक असं ‘तू परी‘ हे दुसरं गाणं आज सोशल मीडियाद्वारे प्रसारित झालं

आता ‘बकेट लिस्ट‘ चित्रपटातील ‘तू परी‘ या गाण्यामुळे प्रेमाची नाती नव्याने खुलताना आपणांस बघायला मिळणार आहेत. माधुरीच्या वाढदिवसानिमित्त ‘बकेट लिस्ट‘ चित्रपटातील प्रसारित करण्यात येणार ‘तू परी‘ हे गाणं म्हणजे आपल्या सर्वांसाठी पर्वणीच म्हणावं लागेल. ‘तू परी‘ या गाण्याचं संपूर्ण शूटिंग मलेशिया येथे करण्यात आलेले आहे. ‘तू परी‘ गाण्यादरम्यान आपणांस लंकावी येथील अप्रतिम लोकेशन्स व त्याच बरोबर सौंदर्यवती माधुरीच्या मोहक अदा, सुमित राघवन चा रोमँटिक अंदाज पाहायला मिळणार आहे.

लंकावी सारखे नयनरम्य लोकेशन, माधुरी दीक्षित आणि सुमित राघवन ह्या अत्यंत गोड अशा जोडीचे नृत्य आणि श्रेया घोषाल आणि रोहन प्रधान यांच्या मधुर स्वरांनी सजलेलं ‘तू परी‘ हे सूर मधुर गाणं म्हणजे आपल्यासाठी खरी-खुरी रोमँटिक ट्रीट आहे असं म्हणायला हरकत नाही.धर्मा प्रॉडक्शन, करण जोहर आणि ए ए फिल्म्स प्रस्तुत, दिग्दर्शक तेजस प्रभा विजय देऊस्कर दिग्दर्शित, लेखिका देवश्री शिवडेकर आणि दिग्दर्शक तेजस प्रभा विजय देऊस्कर लिखित, डार्क हॉर्स सिनेमाज्, दार मोशन पिक्चर्स आणि ब्लू मस्टँग क्रिएशन्स निर्मित चित्रपट ‘बकेट लिस्ट‘, रोहन-रोहन या संगीतकार जोडीने संगीतबद्ध केलेलं, मंदार चोळकर यांच्या लेखणीतून अवतरलेलं आणि माधुरी दीक्षित व सुमित राघवन यांच्या रोमॅन्सने भरलेलं ‘तू परी‘ हे गाणं आपल्याला पुन्हा आपल्या आवडत्या व्यक्तीच्या प्रेमात पडायला भाग पाडेल यात काही शंकाच नाही.