कलर्स मराठीवरील बिग बॉस मराठीच्या घरामध्ये काल सगळ्या रहिवाश्यांना सरप्राईझ मिळाले कारण महाराष्ट्राची लाडकी हर्षदा खानविलकर यांची घरामध्ये एन्ट्री झाली. बिग बॉस मराठीच्या घरामध्ये सर्व रहिवाश्यांनी त्यांचे आनंदाने स्वागत केले. तसेच काल आस्ताद काळेला देखील सरप्राईझ मिळाले. आस्ताद याचा काल वाढदिवस होता आणि त्यानिमित्त त्याच्या आईने त्याच्यासाठी केक बनवून पाठवला होता. हर्षदा खानविलकर या घरामध्ये आल्यानंतर बिग बॉस यांनी त्यांना लगेचच एक कार्य दिले ज्याचे नाव होते ‘बिंब – प्रतिबिंब‘ ज्यामध्ये हर्षदा आरश्याचे प्रतिनिधित्व करणार होत्या. तसेच ज्यामध्ये हर्षदा यांना त्यांची रोखठोक मत सदस्यांना सांगायची होती.

हर्षदा यांनी राजेश आणि रेशम यांना कठोर शब्दांमध्ये त्यांचे घरामध्ये जे काही सुरु आहे त्याची जाणीव करून देण्याचा प्रयत्न केला. परंतु, या दोघांना देखील त्यामध्ये काही गैर वाटत नाही असे त्यांनी दिलेल्या कार्या दरम्यान बोलून दाखविले. आज बिग बॉस मराठीच्या घरामध्ये रंगणार आहे कॅप्टनसीचा टास्क. ज्याप्रमाणे पुढे कुठलाही भेद न बाळगता सर्वांना एक सारखा सुगंध देतात, अगदी त्याचप्रमाणे बिग बॉस मराठीच्या घरातील कॅप्टनने सर्वांना एक समान न्याय देणे. पुष्कर आणि सुशांत हे दोघेही कॅप्टनसीसाठी या आठवड्यामधील उमेदवार असून ते ही बाग आज सजवणार आहेत.