‘माझ्या नवऱ्याची बायको’ या मालिकेतून अभिनेत्री आदिती द्रविड ही लोकांच्या मनामनात पोहोचलेली. तिच्या चाहत्यांपैकी फारच कमी लोकांना माहित नसेल कि तिने भरतनाटयममध्ये एमए केले असून तिने गंधर्व महाविद्यालयाच्या विशारद पर्यंतच्या परीक्षांमद्धे ती अव्वल गुणांसह प्रथम श्रेणीमद्धे उत्तीर्ण झाली आहे. अदितीने गुरू स्वाती दैठणकर यांच्याकडे नृत्याचे शास्त्रशुद्ध शिक्षण घेतले आहे.

अदिती आता भरतनाट्यमचे शिक्षण घेऊ इच्छिणाऱ्या कलावंतांना नृत्याचे ऑनलाइन मार्गदर्शन करणार आहे.  हा तिचा भरतनाट्यम ऑनलाईन माध्यमातून कलावंतांपर्यंत पोहोंचवण्याचा प्रयत्न आहे.  सोशल मीडियावर त्याला लोकांचा चांगला प्रतिसाद मिळतो आहे.

 ‘माझ्या नवऱ्याची बायको’ या मालिकेने आदितीला एक ओळख मिळवून दिली. ‘या गोजिरवाण्यात घरात’ या नाटकात तिने प्रमुख भूमिका केली आहे. ‘या गोजिरवाण्यात घरात’ या नाटकातील भूमिकेसाठी तिला सर्वोत्कृष्ट अभिनेत्रीचे २०१७ साली संस्कृती कलादर्पण पुरस्कारासाठी नामांकन मिळाले होते.